شعر : رضا کاظمی اردبیلی
محاوره ای
موضوع : آنا
بو دُونیایا گوز آچان دا
چالدون مَنه لای لای آنا
اوز جانیما بو دُونیادا
گَلمَز سَنه هِچ تای آنا
جانیم مالیم سَنه قوربان
هَر نَفَسین جاندی آنا
هَم باخیشین هَم گولوشون
دَردیمه دَرماندی آنا
یاتیم دیزین اوستَه اوخو
سَسین مَنه بالدی آنا
تورک دیلینده بایاتی لارین
گوزل اُمیدلی فالدی آنا
اوز تیکووی یاوان یِییب
بیزین کین یاغلادین آنا
مَحَبت دن گولَش اوزدَن
بیزلَری ساخلادین آنا
اولسیدی مِهرین آدینی
کوکین نَن پوزاردیم آنا
مِهرو مَحَبَت یئرینه
مَن سَنی یازاردیم آنا
❤️❤️❤️❤️❤️
درباره این سایت